Antiguoko Olentzeroan hernaniarrak

 Abenduaren 23an musikari talde dexente irten zan Donostiako Antiguo auzoan Olentzeroren etorrera ospatzeko. Tartean zeuden dultzaineruak, fanfarrea eta txistulariak. Giro ezin hobea izan genuen. 

Irudian sakatuz bideotxo bat giroa ikusi ahal izateko

Kalez kale kantari ekitaldian hotza nagusi

 Eguerdiko 12:00etan hilabetean behin izaten du hitzordu ekitaldiak.Beste herrietan kantujira izenez ezaguna da; Hernanin kalez kale kantari deitzen diogu. Oraingoan talde politta elkartu zan. Txistulariokin batera Kamio, eskusoinuarekin, elkartu zitzaigun.

Hori bai, kaxko barneko tenperatura nahiko hotza izanagatik, partaideak hotza uxateko dantzan ere ibili ziran.

Hernaniko Herri Musika Elkartea

 

Joan den abenduaren 2an Hernaniko Herri Musika Elkarteak(HHME) eta Hernaniko Udalak hitzarmen berria sinatu zuten. Herri musikaren aldeko jarduna burutzeko eta Hernanik merezi duen musika zerbitzua emateko sortutako elkarlan proiektua da. Hemendik aurrera, Hernaniko txistulari guztiak elkarrekin arituko gara lanean, herriko jai eta ekintzetan.

Txistulari taldeaz gain, Hernaniko Musika Bandak (Hermuba) ere hitzarmen berria sinatu zuen, banda gaztearen proiektua ere barneratuz.

Irudian Patrizia Arozena elkarteko lehendakaria, HHMEko eta Hermubako zenbait kiderekin batera.

Astigarragako Txirriskla txistulari taldeak 50 urte

 

50 urte igaro dira astiartarrak herrian txistua jotzen etenik gabe daramatela.

Hori dela eta, azaroaren 27an 12:45ean Erriberako atarian. kontzertu politt bat prestatu zuten.

Txistulariekin Astigarragako lagun askok hartu zuten kontzertuan; hala nola, Astigarko dantza taldea, Aiztondo abesbatza, Eragiyok abesbatza eta  Astigarragako erraldoiak, hainbat herrietako txistulari eta musikarien laguntza jaso zuten.

Txirrisklari Ohorezko kontrapasa eskeini zitzaion:

Santa Zezilia eguneko Kontzertua

2022 urtea berezia izaten ari da Hernaniko txistulariontzat. Ekainean amaitu zan Goizetik txistulari elkartearen zeregina eta Urritik aurrera Hernaniko txistulari guztiak Hernaniko Herri Musika Elkartean bat eginda gabiltza; iganderoko diana jotzeko lau talde osatuta, kaxkoa alaitzeaz gain, auzoetara egiten dugu bixita.

Aurtengo Santa Zeziliako kontzertua Hernaniko txistulariak eta gonbidatuak izan ditugu, Donostia, Oiartzun, Getaria, Leitza, Usurbil eta Andoaingo txistulariak parte hartu dute bertan. Zuzendari lanetan Aitor Arozena oiartzuarra, Donostiako udal txistulari bandako kidea. Kontzertu honetarako Hernaniko musikarien doinuak aukeratu ditu.

Gasteizen,Azaroak 5ean

 

Hirugarren aldia da Gipuzkoako hainbat txistulari gonbidatuak joan gerala Gasteizera larunbata goizean txistu doinuz betetzera hiriko kaxkoa. Aurten Kanta-Berri abesbatzaren laguntza izan degu.

Gonbidatuak izan geran "Itsas-Nafartarrak" ( Navarra Maritima), Txistua Astinduz taldea barne.

Bideo Zatitxoa ikusteko KLIK egin:

Bideo1 , Bideo2

Mugarik Gabeko Txuntxuneroak Lizarran

 

 Urriak 30 eko eguna Lizarran pasa zuten M.G.Tek. Bertako txistulariek plaza batean txokolatada beroa eta pastelak gosaltzeko prestatu zituzten. Gero kalez kale aritu ziran eta herriko pastel dendetan (gosarirako eskeini zituzten) geldi uneak eginez, bertako langileei hainbat doinu eskeiniz eskertu zuten txistulariek gosarian dastatutakoa.

Gipuzkoatik hurbildutako txistulariak tartean

Iratxeko kanpiñean bazkaldu zuten. Bazkaldu ondoren, Azaroak 12rako kontzertua prestatzeko entsegu txiki bat egin zuten. Egun horretan Iruñean Euskal Herriko Txistulari Elkarteak eskeiniko du Zilarrezko Domina M.G.T taldeari.

Mugarik Gabeko Txuntxuneroak Nafarroa Oinez-en

 Tafallan ospatu da urten Nafarroa oinez Garces de los Fayes ikastolaren alde.

 

 

Kalez kale kantari berriro abian

 Azkenean bai, gaur, urriak 8, Hernaniko kaxkoan kalez kale kantari aritu dira herritarrak txistuen laguntzarekin. Bideo zatitxoan (aurreneko irudian klikatuz) Jolin jolan biribilketa entzungai.

 

Zenbait herrietan kantujira izenez ezagutzen da ekitaldi hau.

 

San Mieletan Urnietan 2013.urtean hasitakoari jarraituz

 Bideo zatitxo bat HEMEN ikusgai.

2013. urtean, Urnietako eta inguruko herrietako txistulariok Sanmieletan kalejira bat elkartuta egiten hasi ginen. Pandemiak eragindako bi urteko etenaren ondoren, aurten berriz heldu diogu ohitura polit horri. Antton Jauregik gidatuta, ordu eta erdiko saioa egin dugu gaur, eguraldi ederra izanda. Amaitutakoan, hamabitako bikaina dastatzeko aukera izan dugu. Eskerrik asko denoi eta datorren urtean hor izango gara berriz ere. 

Emanaldiaren bideo laburpena HEMEN.

 

Zikuñagako festak

 Maiatzean inauguratu zuten Zikuñagako ermita Orkolaga baserriaren inguruan.

Sekulako giroa Zikuñagako ermitan. Meza ondoren Ozenki abesbatzaren emanaldia entzun eta gero auzoko Danborradak Zikuñagako ereserkia jo du. Amaitzeko txistulariekin kalejiran jeitsi dira auzora bildutakoak, adinekoak autobusean noski. Auzoan zehar kalejira eman ondoren sagardo dastaketa, bitartean San Joaneko kontpartsakoek txistulariekin batera erromerian aritu dira, muxikoak, arin arin, fandango, jauziak, abesten... izardi patsetan amaitu dute denak. Jende ugari bildu da itzalera, ondoren aizkolariak eta harrijasotzaileak ikusteko aukera izan dute.

Ostiralean hasi eta hiru eguneko jaiak ospatu dituzte auzokideek.

Txistularien alarde arrakastatsua Zestuan

Musika, dantza, kantua eta batukada batu zituen atzo, igandea, arratsaldean Zestoako Txistulari Alardeak. Arrakasta izan zuen atzoko ikuskizunak; kiroldegiko frontoian izan zen, eta harmailak jendez goraino bete ziren.

Garikoitz Mendizabal musikari eta txistulari zestoarrak zuzendu zuen ikuskizuna, eta Jon Artano kazetariak egin zituen aurkezle lanak. Euskal Herriko hainbat txokotatik bertaratutako txistulariak aritu ziren. Horiez gainera, Itxaropena dantza taldeak, Zumaiako San Pedro Abesbatzak, Jagoba Astiazaran txistulariak, Aitor Furundarena akordeoi jotzaileak, Aizpea Aristi eta Eider Iraola abeslariek, Eider Mendizabal eta Peio Nuño dantzariek eta Zestoako Batukada Taldeak parte hartu zuten. Gonbidatu bereziak ere izan ziren atzokoan, hala nola Eñaut Elorrieta eta Roberto Moso. Aurrenak Ken Zazpiren bi abesti kantatu zituen, eta bigarrenak Zaramaren bi.

 Hiru urtetik behin egiten da Txistu kontzertua Zestuan.

 

 

Donostiako Aste Nagusian erraldoiekin

Sekulakoa izan da aurtengoa. Bi urte elkar ikusi gabe eta aste nagusiko arratsalde guztiak elkarrekin pasa ditugu txistua joaz pozik txoratzen.

IGANDEA 14:Erdi Aldetik
ASTELEHENA 15: Gros
ASTEARTEA 16:Antiguoraino
ASTEAZKENA 17: Antiguo. Euria bertan behera	Kontxatik BIDEOA  ikusgai.                                          Denak prest geunden eta lau erraldoi kalera aterata sekulako zaparrada jaso genuen.                                   Antiguoko txistulariekin batera aritu behar genuen
Osteguna 18:Euria Antiguon.	Txistulari batzuk elkartu ginan eta eguraldi txarrakin, aterkiaren laguntzarekin, auzoa alaitzen aritu ginan. Alai eta Plateroko tabernariek traguak oparitu zizkiguten gure jarduna eskertzeko.
Ostirala 19: Loiolako erriberatik Amarara	Gaur bai eguraldi ederraz irten da Erraldoi eta Buruhandien konpartsa. Ikasbide ikastolan hasi eta bertan amaitu degu bi ordu terdiko ibilaldia egin ondoren.
Larunbata 20: Alde Zaharretik. Agur erraldoia     2022 Agur Erraldoia Zuloaga plazan:BIDEOa ikusgai

Askatasunaren eguna Pasai Donibanen

Nafarzaleak  abuztuaren 15ean Pasai Donibanen edo Orreagako mendi lepoetan bildu ziran, gure Herriak, inperialismoaren aurka mantentzen duen borrokan, 778 eta 824 urteetan Orreagan irabazi genituen batailen ondorioz, gure Estatua eratu genuela ospatzeko.

Orreaga 778 askatasuna eguna Pasai Donibane abuztuaren 15ean.

Askatasunaren eguna ospatu zen Pasai Donibanen Orreaga 778 bataila gogoratuz, bertsolaria, hizlariak, lore eskaintza independentziaren alde bizia galdu tenei, ohorezko aurreskua eta txistulariak.

Tafallako alardea

Abuztuaren 20ean arratsaldeko ordubatean 51. Tafallako txistu alardea eskeini zan. Gipuzkoarrok aukera izan genuen jotzeko bertan. Aitor Urkizu ordezkantu zuen ...... zuzendari lanetan. bikain aritu zan.

Aranon, San Roke egunez

 Bi urte ospatu gabe, azkenean aurten Aranon san Roke eguna ospatu ahal izan zan. Meza ondoren, ermitan Aranoko udalak, bertaratutako guztiei hamaiketakoa eskeini zien. Txistulariak ohiturari eutsiz mendian gora eta behera kalejiran jardun ziran. Herrira iristean, Javier Narvarte zenari omenalditxo xumea eskeini zitzaion. Etxekoek ere gazta bikaina eskeini zuten.

45. Txistularien kontzertu Nagusia

Euskal Herriko txistulariek parte hartzen dute kontzertu honetan. Horien artean haibat hernaniarrak bertan izan ziren. Entsegu ondoren euri zaparrada bota bazuen ere, zorionez kontzertua eman ahal izan zan, 2022ko Abuztuaren 13an arratsaldeko 20:30etan.

Kontzertuaren bideoa EITB-ren atarian ikus daiteke.