Hernaniarrak Antiguoko Olentzeroan

Igandean, abenduaren 23n Donostiako Antiguo auzoan Olentzeroren etorrera ospatu zuten. Horiekin batera Hernaniko hainbat musikari bertaratu ziran: dultzaineroak, fanfarrea, akordeoilariak, txistulariak... Ordubete pasatxo musika jotzen aritu ondoren, merezitako afaria eskeinie zieten Antiguoko elkartean. Han, sekulako giroa jarriz otordu itzelaz gozatzeko aukera eduki genuen. Hernaniko musikari gazteek maila bikaina dutela erakutsi zuten.

2018. Eguberriko Kontzertua

"Eguberriko kontzertua eskeini du  gaurkoan Milagrosan, Susana Elosegi gitarra-jotzaileak lagunduta. Zortzi pieza egitarauan: Violetaren Martxa Kardin(balsa) Cumberland Reel (eskoziako doinua) Las Larras(kontradantza) Eguberri giroko beste lau pieza (Alborada Navideña IV, Gabon abestiak, Eguberriko kantak eta White Christmas).

Emanaldi goxo eta atsegina, gabonei ongi etorria emateko.
Zizka-mizkak eta turroia gustora jan dute bertaratutako guztiek.

EGUBERRI ZORIONTSUAK izan daitezela denontzat.

Goizetik Txistu bandaren urteko azkeneko kontzertua

Goizetik Txistulari Bandaren aurtengo azkeneko kontzertua Abenduaren 16ean izango da Milagrosa eraikinean 13:00etan. Kitarra jotzen Susi Elosegi arituko da.
Kontzertu amaieran zizka.mizkak eta turroia ta txanpaina dastatzeko aukera izango dute bertaratutakoek urtero bezela.

Leokadisti taldearen Santa Xexiliko kontzertua

Atzo eguerdian Udaletxeko arkupetan eskeini zuten hamar doinuz osatutako kontzertua: Leitza; Lau ataleko Zortzikoa; Idiarenak; Bianditz; Agustin, Xantin ta Juan Joxe; Luzaideko dantza doinuak; Mamma mia; Bagare, Martxa baten lehen notak; eta 104 ilargi bete.

Baionan EuskalHerriko txistulariak

Azaroaren 24ean Baionan, Euskal Herritik hurbildutako(Auritz Berri, Tafalla, Tutera, Iruña, Leitza Huitzi,Lekunberri, Alesbes, Agoitz, Gasteiz, Mundaka,  Elorrio, Zaldibar, Durango, Getxoko, Lekeitto Portugalete, Deusto, Mutriku, Legazpi, Eibar, Getari, Andoain, Hernani, Oiartzun, Pasaia, Ustaritz, Baiona, Hendaia ...tik joandako  200 inguru aritu ziran Baionako kaleak animatzen. Mugarik Gabeko Txistulariak taldeak antolatuta eta Euskalherriko txistulari elkartearen babesarekin. Baionako txistulari taldearen laguntzarekin egun ederra igaro zuten.

Luis Udakiolari zillarrezko domina Santa Zezilia ospatzen

Azaroak 18an Donostian, EHTEk zilarrezko domina eskaini zion Luis Udakiolari zenari. Omenaldia, kontzertu batekin borobildu zen.
Luis Udakiolari buruz gehiago jakiteko irakurri hau (Iturria: txistulari.eus)

Egitaraua:
Orkestra
- Adagio (re maiorreko suitea) Johann Sebastian Bach (1685-1750)
Txistulariak eta orkestra
- Edate soñua José Gonzalo Zulaika Arregi, Aita Donostia (1886-1956)
- Iñauteriko polka José Antonio Santesteban (1835-1906), bakarreko marinba jotzailea: Francisco J. Lera
- Birigarroa Isidro Ansorena (1892-1975), bakarreko txistularia: Jose Ignazio Ansorena
- Azkoitia suitea Jagoba Astiazaran (1986—): introito-sarabande-rondó
Abesbatza eta orkestra
- Dieu, qu´il la fait bon regarder! Claude Debussy (1862-1918)
- Ave verum Camille Saint-Saëns (1835-1921)
- Tollite hostias Camille Saint-Saëns (1835-1921)
Txistulariak, abesbatza eta orkestra
- Maitia nun zira? José Uruñuela (1891-1963)
- Fandango Basque José Uruñuela (1891-1963)
 - Mendi aldera Isidro Ansorena (1892-1975)

Xexili eguna ospatzen

Santa Xexili eguna ospatzeko Hernani ta inguruko txistulariak TTarla Dantza taldearekin batera herriko kaxkuan aritu dira kontzertu ibiltaria eskeiniz gaur Azaroaren 17an eguerdiko 12:30 etatik 14:00 ra.

Euskara ari du. Baietz Hernanik

Hernaniko txistulariok ere bat ekimen horrekin, gure erronkak hartuta.

2018 honetan, otsailaren 3tik abenduaren 31ra arte, urte osoz, Euskara Ari du, Baietz Hernanik! erronka handi bati heldu dio. Euskaraz dakitenak nahiz euskaraz ulertu bai baina hitz egiten ez dutenak parte hartzen ari gara. Helburua? Hernanin hizkuntza-ohiturak aldatzea, eta denon artean euskararen erabileran beste urrats bat ematea. Keinu txiki horren bidez, aldaketa handia lor dezakegu Hernanin.

Euskara ari du Hernanin. Hartu zure erronka. Hilabete duzu oraindik hizkuntza ohituraren bat aldatzen hasteko.

MGTen azken aurreko elkarretaratzea Agoitzen

Azaroak 3 Agoitzen (Nafarroa) txistularien elkarretaratzea Mugarik Gabeko Txuntxuneroekin.

Eguna gosari eder batekin hasiko zuten 9:30ean Angiluerreka elkartean, Merkatu plazan.  
Kalez-kale txistu eta danbolineak astitzen 10 ak inguruan hasi ziran bertaratutako txistulariak.

 San Migel auzora, 11:30etan iritsita han ere hamaiketakoa izan zuten txistulariek.  

Ordu batean frontoian, azoka zegoela eta, hainbat doinu jo ondoren, irteeran albiste tristea, "Josu Goya" txistulari Beratarra zendu zelarena; horregatik hura gogoan hartuz "Agur Jauna" eskeini zitzaion.
Kalejira bukatutzat eman behar zala eta, baina oraindik txistulariak jotzeko irrikitan taberna inguruan beste hainbeste doinu jo ondore "Beti Jai" jatetxeruntz abiatuta, bertan bazkaldu zuten. 

Erketz Lasarteko dantza taldearen 50.urteurrena

1968 an sortu zan eta aurten 50 urte ospatzen ari dira.

Aitzeki horrekin bildu ziran joan dan larunbatean Erketzekin aritutako musikariak, horien artean Hernaniko atabalaria.
Larunbatean dantza ekitaldiak izan baziran, igandean denok elkarrekin, musikariak,dantzariak... bazkaldu zuten Mitxelingo frontoian.

Txintxarri.eus tik jasota: urte horietan guztietan dantzari izandako 200 pertsona bilduko dituzte. Etorkizunean ere, euskal dantzak mantentzeko helburuarekin lanean jarraituko du taldeak.

Kalez Kale Kantari

Hernanin hileko bigarren larunbatean izaten da. Baina joan dan astean jaia izan zenez, Pilarika eguna, Urriak 20an izan da gaurko Kalez kantari, eta Donostian Kantu Jira hileko hirugarren larunbatean; horregatik, gaur Hernanin jende gutxiago aritu da kantari. Julen Beraza Peña txistularia azaldu da Patxi, Donosti eta Garbiñerekin batera txistua jotzera.

Lekunberriko jaietan

Jaietako egun guztietan goizeko Dianan parte hartzen ari dira hainbat herrietako txistulariak.
Diana goizeko 9 etan hasi eta 11ak ingurura bukatzen dutela.

	Urriak 12ko Bideoa     HEMEN
Urriak 13an

Urnietako San Mieletan 6.urtez

 Kalejirako laburpena Bideoan ikusteko: URNIETAKO SAN MIELETAN
Aurten bai, giro fresko eta ederrarekin aritu dira Urnieta,Hernani eta Andoaingo txistulariak.Seigarren urtea da talde horiek parte hartzen dutena igandeko kalejira horretan.

San Migel egunean Baraibarko jaietan

Goizean goiz lainoarekin esnatutare, txistulariak ederki aritu dira gora ta behera. Hainbat baserrietan gazta, ardoa ta pastak ere eskeini diete indarrez aritzeko aldapetetan. Bukaeran hamaiketako dotoreaz gozatu dute tabernan.

Sagasetaren omenaldian

 Euskal Jaieko egun berean batzuk Hernanin baina beste txistulari hernaniarrak Urdiainen izan ziran Sagasetaren omenaldian parte hartzeko.
Eguneko Kronika txistulari.eus orrialdean irakur daiteke.

Euskal Jaietan hernaniarrak

HERNANIKO EUSKAL JAIAK

 

EUSKAL JAIAK 2018

IRAILAK 15, larunbata
10:00, Abeltzain azoka, Tilosetan.
11:00, Talo-dastaketa, Iturriaga kalean.
11:00, Baserriko lanbideen erakustaldia, Tilosetan: behiak jeztea.
11:30, Antzinako jokoak, Tilosetan.
12:00, Txakolin-dastaketa, Iturriaga kalean.
12:00, Kalez Kale Kantari, Plaza Berritik abiatuta.
12:00, Portalondokoei omenaldia. Antolatzailea: Kaxko Elkartea.
12:30, Erraldoi eta buruhandiak.
12:30, Herri kirolak, Tilosetan.
17:30, Haurrentzako tailerrak, jolasak eta txokolate-jatea, Tilosetan.
18:30, Erromeria Jaiki Hadi taldearekin Plaza Berrin (euria egiten badu, 19:00etan Atsegindegin). San Joan Konpartsa.
19:00-22:00, Trikitilariak.
19:45, Musika Bandaren emanaldia, arkupetan.
20:00 eta 23:00, Iratzar taldearekin dantzaldia, Tilosetan.
IRAILAK 16, igandea
09:00, Diana, Txistulari Bandarekin.
10:00, XXXIX Pablo Lasa Artisau Azoka Plaza Berrin.
11:00, Sagardo-dastaketa Plazan.
11:30, Euskal Herriko burduntzi txapelketa Plazan.
12:00, XXI. Trikitixa txapelketa, Plazan.
12:00, Esku pelota eta pala txapelketa, Tilosetan. Euria eginez gero, frontoian.
18:00, XXIV. Gazteen dantza askatuko txapelketa Plaza Berrin. Euria eginez gero, Biterin.
19:30, Tio Teroen semeak dantza taldearen umore emanaldia, Tilosetan: Festamentua.

ZARAUTZEN

Lekeitioko San Antolinetan

Aurten Aranon, San Roke egunean,  Lekeitioko "Itxaropena" taldeko kideek gonbidapena egin zieten han bertaratutakoei. Hori horrela, zazpi txistulari animatu eta Lekeitioko txistu kontzertuan parte hartu zuten: J.M.Saizar(Leitza), A.Egurbide(Getaria), JM.Albeniz eta J.Tobes(Iruña),  I.Aizpurua(Andoain) eta B.Agirresarobe eta G.Tijero (Hernani).
Arazo teknikoak alde batera utzita, kontzertua  ederra izan zan; bildutako jendetzak umore onez kantatu zituen abestiak. Txistularien jarduna egun osoan iraun zuen; arratsaldean kalejiran ibili baitziran.

Alesbesen Euskararen eguna

 Alesbes euskaldun eta euskaltzaleen topagune bihurtu zan  Euskararen egunean, irailaren 1 ean. Erriberaren bihotzean kokatzen den herrian txistulariak, abeslariak eta dantzariak  elkarrekin aritu ziran giro ederrean.

Hondarribian 53.Txistularien Alardea

Igande honetan, Gipuzkoa plazan Txistularien Alardearen edizio berri bat ospatuko da, 53. urtez hain zuzen. Ekitaldia Txistulari Bandak antolatzen du Hondarribiko Udalaren laguntzarekin.
Hondarribiko Txistu Taldeaz gain, Euskal Herritik etorritako asko egongo dira gure artean. Parrokiako Abesbatza, Kemen Dantza Taldea, Erlaitz Metal Taldea, txalapartariak, Peio irigoien eta Oihar Alberro dultzainekin, Oier Etxaburu teklatuan eta Jose Ramon Alberdi perkusioan. Zuzendari moduan, Alberto Lasa ariko da.
Besteak beste, Xabier Leteren ‘Nafarroa Arragoa’, Benito Lertxundiren ‘Baldorba’, ‘Lantzeko ihauteria’ herrikoia edota ‘Agur jaunak’ entzun ahal izango dira.
Historia luzekoak
Txistularien Alardeak Gerra Zibila baino lehen sortuak dira, “Euskal herriko Txistulari Elkartea” egin zenean; Euskal Herri osoan zehar sakabanatuak ziren Txistulariak elkartzeko sortu zen, izan ere ordu arte bakarka aritzen ziren.
Gerra Zibilaren ondoren berriz jarri zen martxan Txistularien Elkartea, eta hirurogeigarren hamarkadan berriz sustatu ziren Txistularien Alardeak, hain zuzen ere Txistularien artean harremanak sendotzeko: partitura nahiz esperientziak trukatzeko, eta orduko kultur errepresioari aurre egiteko ekintzak prestatzeko.
Hondarribian 1964an jarri zen martxan Alberto Lasa Badiolaren bidez, lehenbiziko kontzertuko zuzendaria Isidro Ansorena izan zelarik.

	Lehengusu txikiak elkarrekin