SAN JOAN JAIETAKO XXII. IRAGARPEN KONTZERTUA

Gaueko 10:30 etan Atsegindegin gaur.
200 bat artista

  Aurtengo kontzertu honetan bi musikari hernaniarrek toki berezia izango dute; Ibon Casasek, eta Imanol Kamiok.
«Ahal denetan, herriko mu­sikarien lana erakutsi nahi izaten dugu Preludioan. Ohiko partaideez gain, Hernaniko musikariek zein musika egiten duten, zein talde dauden... erakutsi nahi izaten dugu».
90 bat abeslari, Musika Bandan beste 40 bat musikari, 20 bat txistulari eta beste hainbat akordeoilari, dultzaina eta alboka joleak, dantzariak, txalapartariak, aur­kezleak, danborradakoak... 200 bat parte-hartzaile badira!».

EGITARAUA
- Betikoskorri. Oskorri. Moldaketa: Iñaki Urkizu.
- La Pilindros. Silvanio Cervantes. Moldaketa: Carlos Sánchez.
- West Side Story. Leonard Bernstein. Moldaketa: Naohiro Iwai.
- Reel eta Giga Irlandarra. Mátyás Seiber.
- Mutil txaleko gorri. Herrikoia. Moldaketa: Junkal Guerrero.
- Rocío. Tomás Rivas. Moldaketa: Jagoba Astiazaran.
- Salve Rociera. Manuel Pareja. Moldaketa: Jagoba Astiazaran.
- Hermano. Ibon Casas.
- El ceguetón. Ibon Casas.
- Apaga la luz y verás. Ibon Casas. Moldaketa: David Soriazu/Juan Laboreria.
- Rapsodia Urumea. Imanol Kamio. Moldaketa: Jorge Pacheco (perkusioan). Hitzak: Eñaut Agirre, Imanol Kamio, iñaki Mikeo.
- Mendirik Mendi. J.A. Erauskin.
- San Joan Zortzikoa. Herrikoia. Moldaketa: Joxan Goikoetxea. Hitzak: M. Lekuona.

Zuzendariak: Roberto Pacheco, Patxi Apezetxea, Maribel Insausti, Igor Arroyo, Imanol Kamio eta Arkaitz Larrañaga.
Aurkezleak: Idoia Noble eta Jon Odriozola.
Zuzendari artistikoa: Ruth Martin.
 
Imanol Kamio: «Bereziki, Hernaniko kultur arlo guztiari omenaldi txiki bat da, Rapsodia Urumea»

Urumean barrena jositako kantua, Imanol Kamiok
Ezagutzera eman nahi den herriko musikarietako baten lana da Imanol Kamioren Rapsodia Urumea. «Nik kantua abesbazarako egin nuen, eta Bandarekin jotzeko ideia nuenez, Roberto Pachecori esan nion. Harek, berriz, Pre­lu­dio­ra­ko prestatzeko esan zidan eta... Ez nuen horrelako kapritxorik, baina oso ondo hartu naute». Horregatik eskerrak eman nahi izan dizkie talde eta zuzendari guztiei, egindako lanagatik, eta «bereziki, Jorge Pachecori, perkusiorako moldaketak egiteagatik; Julian eta Iñaki Prieto eta Fernando Uribesalgori, partiturak edita­tzeagatik; Xabier Valle de Lersundiri, diskoaren edizioagatik; edota Eñaut Agirre eta Iñaki Mikeori, letra egiteagatik».
Kantuak bost zati ditu, eta denek dute Urumearekin lotura. «Rapsodia da kantu, doinu, erritmo uztarketa bat. Eta zergatik Urumea? Gertatzen den guztia Urumea ibaiaren inguruan gertatzen delako».
Aurreneko zatia ezpata-dan­tza bat da. «Bereziki, Her­na­niko kultur arlo guztiari omenaldi txi­ki bat da, Rap­so­dia Urumea. Zati honetarako hitzak idaztea eskatu nion Eñaut Agirreri, ahalik eta kultur talde gehienak omen­tzeko». Hurrena, baltsa, orain 2-3 urte emazteari egina. «Uru­mea ondoan bizi gara, eta!». Gero, arrauneko ACT Liga­ko San Migelen ereserkia dator; «es­tro­padak Kantabrikoan egiten dira, eta Urumea hor bukatzen da». Eta bukatzeko, Errugbi eta Fultbol taldeetako ereserkia, eta Zikuñagako danborrada.
Ibon Casas
Erretinosis pigmentarioa dauka Ibon Casasek; hau da, pixkanaka, itsu uzten duen begietako gaixotasun arraroa.Horri aurre egiteko sortu zuen Dame Tu Visión proiektua sortu zuen orain lau urte eta erdi. Gaur izango da lehenengo aldia zuzenean joko duena.