Hernasax, Dakapo eta Musika eskolako txistulariak

Astelehenean izan zan emanaldia.

Eguberrietako kontzertua Santomas egunean

Eguerdiko ordu batean txistulariek urteroko kontzertua eskeini dute. Aurten ere, Aitor Huizi eta Ane Diez, biolin jotzailekin batera aritu dira.
Kontzertuaren egitaraua honako hau izan da:

1.ZORTZIKO-BIRIBILKETA	P.Zabala/Demetrio Iriarte
2.MINUETOA	Eusebio Basurko/J.I.Ansorena
3.Gipuzkoak Barrena	Herrikoia/I.Eguren
4.Otsagabiako dantzak	Herrikoia
5.Iruña de la Oca	Herrikoia/J.Eseverri
6.DIN,DAN,DON	J.Pierpont
7.Alborada navideña V	Herrikoia/Luis Urteaga
8.Gabaren Zoragarria- -Noche de Paz	R.S Willis - -F.X.Gruber. Biak J.I.Ansorenak moldatuta

Kontzertua amaituta gero, aurtengoan ere, ikus-entzuleek zizka-mizka batzuk jan-edateko aukera izan dute.

Sta Zeziliako kontzertua. Kantuz abesbatzak 25 urte.

Kantuz abesbatza 25garren urteurreneko ospakizunetan murgilduta dabil, eta atzokoan kontzertu berezia eskaini zuten Atsegindegin. Herritar asko gerturatu zen musikaz gozatzera, Santa Zezilia egunean. Egun honetan gainera, lagun izan zituzten Goiz Eguzki abesbatza, Hernani eta inguruko txistulariak, Metal boskotea eta Ttarla dantza taldea. Atzokoa izan zen azken omenaldia; izan ere, astean zehar kontzertu gehiago izan dira, han eta hemen.
Txistulariak Santa Zeziliako kontzertu honetan 20 urte daramazkite Kantuz abezbatzarekin batera antolatzen.
ARGAZKI GEHIAGO HEMEN

Hernaniko Musika Eskolako txistulariak arkupetan

Santa Zezilia datorren hastean izanagatik, gaur txistulariak kontzertua eskeini dute arkupetan.

Txistuaren ohiko erreper­to­rioko piezez gain, hainbat eus­kal doinu ezagun ere joko dituzte. Esaterako, Xabier Le­teren Maiteaz Galdezka, edo Ken Zazpiren Ilargia.

Aurtengoan bigarrenez, Urnieta, Hernani,Lasarte eta Andoaingo txistulariek kalejira egin dugu elkarrekin.

Euskal Jaiak berpizten

URUMEAKO KRONIKAtik jasota:

 2009an, mendeurrena zela eta, Euskal Jaiak berres­ku­ra­tze­ko asmoa izan zuen Uda­lak. Xabier Iriarte da Euskal Jaiak antolatzen dabile­ne­tako bat eta berak kontatu dizkigu xehetasun gehiago.
1909.urtea zen, eta garai hartan Udalak hamar mila pezeta baino gehiago gas­tatu zituen Euskal Jaiak antolatzen. Orduan, iraila­ren 18tik 22ra ospatu ziren, eta hartan ere ganadu azokak izugarrizko arra­kasta izan zuen.

Orduko haiek izuga­rriz­ko festak izan zirela kon­tatu du Iriartek: «Diputazi­o­ko or­dez­kariak atera ziren des­fi­lean. Oso jai arrakas­ta­tsuak izan ziren eta ekin­tza ugari antolatu ziren: sa­gardo­gin­tza­ri buruzko kon­partsa, mu­sika banda, Do­nostiako Or­feoia, su arti­fi­zia­lak, ze­zen­-suzkoa, ma­kil­dan­tza­ri­ak, irrintzilari txa­pelketa, ber­tsolariak, eus­karaz ira­kur­tzeko eta idazteko ariketak…». Iriartek azaldu du «gaur egun egiten ditugun Euskal Jaiak 1909an egin zirenetan oinarrituak daude. Gaur egun­­go taldeetara egokitu be­­har izan ditugu ekintzak, baina funtsa, ordukoetan da­go». Euskal kutsuko fes­tak indartu nahi zirela ai­pa­tu du. Horretarako, he­rriko talde eta elkarteei deialdia egin zitzaien eta ho­rrela an­tolatu ziren 2009ko Euskal Jaiak. «Le­he­nengo urtean ze­zen suzkoa eta guzti ate­ra zen, eta baita bi karroza ere», esan du. Arrakasta izan zutela ikusita, hurrengo urtean ere egitea erabaki zuten, eta ordutik urtero antolatu dituzte.

Donostian Euskal Herriko Txistularien kontzertua 2014

Hemen ikusgai:
EITB-Nahieran Txistulari kontzertuak

Portuko jaiak

Urumeako Kronikatik jasota(14-08-23):
Portuko jaiak ez dira nolanahikoak, herriko jai nagusiarekin konparatzen baitira! Aurten ere, denen gustoko egitaraua prestatu dute, auzotar,
herritar nahiz kanpotarrentzat. Atzo bota zuten txupinazoa. Bihar bukatuko da festa.

Aranon Roke deuna ospatzen

Goizean eguraldi kaxkarra izan arren, 12 txistulari animoso aterkiak eskutan igo ziran San Roke ermitaraino txistua jotzen.
Itzuleran, pilotalekua oso bustita zegoelako pilota partidurik ez zan izan. Hala ere, txistulari talde nekaezinak egun osoko festa bete zuten Aranoko kaleetan.
Joan dan urtean Iñaki Azkoaga txistulari Elorriotarra lehen aldiz etorri bazan, berriro errepikatu zun eta, harekin Pasai Donibaneko "Pirulo", Juanan Laboa, etorri zan. Ez zuten hutsik egin Bartzelonatik etorritako Markos Zapirain(Lekeitiarra),Jordi, Jabier Narbarte(Aranoarra) eta Gabriel Huarte (Iruñarra). Txistulari taldea osatzeko Modesto Lasa (Hondarbitar mejikanua), eta Patxi Apezetxea, Boni Agirresarobe, Eneko Semper, Carlos eta Garbiñe Tijero hernaniarrak izan genituen. Txistulariaz gain, Maider Semper trikitilaria ere bertan izan zan otorduetan ( hamaiketakoa eta bazkarian) soinu txikia jotzen.

ARGAZKI GEHIAGO IKUSTEKO HEMEN

Donostiako Aste Nagusian Buruaundi eta Erraldoiekin

Egunero, dultzaina joleekin batera txistulari taldea aritu da Buruhandi eta Erraldoien konpartsarekin.

bat

37. Txistulari Alardean

KONTZERTUA EITB.COM EN IKUSGAI NAHIERAN:Txistulari Kontzertuak.

Jon Ansorena, Peio Irigoien, Diego de Vera hirurak Hernanin egiten den umeen txistulari lehiaketan hainbat aldiz parte hartu dute eta hirurak ere sariak jaso izan dituzte. Larunbatean, abuztuaren 9an, ehun txistulari atzean zutela jo zuten, eta txistuaz edozer musika mota jo daitekeela erakutsi zuten.

EGITARAUA:

BERRIA egunkariak Xabier Muñoz txistulari donostiarrari eginiko elkarrizketaren zati batzuk:

37. Txistularien Alardea izan da aurtengoa. Zeintzuk izan dira berezitasunak?

Kontzertu honen bidez, Euskal Herriko musika, musikariak zein pertsona historikoak oroitzen ditugu, bai eta Donostiako historiako gertakari jakinak ere. Aurten, Euskalerriaren Adiskideen Elkartea erakundearen 250. urteurrena oroitu dugu. Pepe Artola musikari donostiarra ere gogoratu dugu, aurten haren jaiotzaren 150. urteurrena delako. Joxe Uruñuela eta Pablo Sorozabal musikariak ere omendu ditugu, eta, Donostiako Musika Hamabostaldiaren 75. urteurrena ere badela kontuan izanda, gurekin parte hartu dute horko ordezkari batzuek. Bestalde, urtero gonbidatu berezi bat izan ohi dugu; aurtengoa, adibidez, Alex Sardui abeslaria izan da.

Nolakoak izan ziren alardearen hasierako garaiak?

60ko hamarkadan, ohikoak ziren txistulari multzo handiekin egindako alardeak; Donostian, adibidez, plazan egiten ziren, eta Isidro Ansorenak zuzentzen zituen. Gaur egun ezagutzen dugun alardea 1978an egin zen lehen aldiz, ordu hartan Gipuzkoako Txistulari Elkarteko ordezkaria zen Jose Inazio Montesen eskutik. Gogoan dut sekulako jendetza etorri zela gu ikustera. Hurrengo urtean, Montes hil egin zenez, geuk hartu behar izan genuen jaialdia egiteko ardura. Urtero berrikuntzak sartzen baditugu ere, Montesen ideia izan zena gorde dugu.

Kontzertua Aste Nagusiko ekitaldirik garrantzitsuenetakoa da. Zer ematen dio kontzertuak Donostiari?

Euskal musikaren kutsua zabaltzen du kontzertuak, hau da, Aste Nagusiaren hasierako giro euskalduna ziurtatzen du. Inguruan ez dago horrelako ekintza askori, eta alardean parte hartzen dugunok nahiko «aparte» gabiltzala esan daiteke. Parte hartzaile denak euskaldunak gara. Urtero berrikuntzak sartzen baditugu ere, ez dugu ezaugarri hori ahazten.

Zer esan nahi du zuretzat alardean parte hartzeak?

Urtean egiten den eginkizun nagusia da. Plazan txistua jotzea, hain zuzen, futbolari batentzat Katedralean futbolean jokatzea bezala da. Arrazoi asko daude:Konstituzio plazan jotzen dugu, Donostiako Musika Banda ere gurekin egon ohi da, eta Euskal Herri osotik ehun bat txistulari etortzen dira. Horrek guztiak sekulako poza ematen du, parte hartzaile gehienak ezagunak eta lagunak garelako. Jende asko bildu arren, ondo moldatzen gara elkarren artean koordinatzeko.

Nola ikusten duzu txistularitza gaur egun?

Ez da lehen zen bezalakoa. Gaur egun, gazte asko teknikoki oso prestatuta daude musika egiteko, eta ez dute txistulariekin bakarrik jotzen, baita gainontzeko musika tresnekin ere. Dena den, txistulari gisa lan egin badaiteke ere, gaur egungo mugikortasunak zaildu egiten ditu jardueren prestaketak (kontzertuen antolakuntza edota entseguak, adibidez). Bestalde, hamar urteren ostean, Hernaniko (Gipuzkoa) talde batek Txistularien Bakarkako Txapelketa antolatu du, eta horrek esan nahi du txistularitza munduan proiektuak badaudela.

Txistua ere Europa aldean

Haritz Ezeiza txistularia  " Bitartean" Hernaniko folk taldearekin dabil Europan.

Lehenengo diska kaleratu berri du Hernaniko Bitartean musika taldeak: ‘Bidean’.

Gelditu gabe dabiltza Bitar­tean folk taldeko musi­ka­riak, iaz martxan jarri zire­ne­tik. Taldea sortu berritan, Gale­sen egin zuten tourra lehengo urteko abuz­tuan, eta aurten ere, Europan ba­rrena dabiltza udaran: Fran­tzian, Ir­lan­dan eta Galesen izango dira, hamaika kon­tzer­tu ema­ten. Baina badu­te beste nobe­da­derik: lehenengo diska kaleratu dute, Bidean izenarekin. 

Frantzian, munduko kulturen jaialdian
Europan barrena eman be­ha­rreko gira Frantzian hasi zuen tal­deak uztailaren 17an; Ga­nnat-en, hain zuzen, mun­duko kulturen jaialdian. Doze­na bat herrialdetako partai­deak izan dira bertan: Belgika, Serbia, Estatu Batuak, Kenia, Errusia, Kolonbia, Argentina, Irlanda, Vietnam edota Japon, adibidez, eta tartean, Bitarte­an taldea aritu da, Donostiako Gero Axular dantza taldeari laguntzen.
Hilaren bukaeran, ordea,  dantza taldea Euskal Herrira itzuli zen, eta Bitartean taldeak Irlandara egin zuen salto, berezko gira hastera. Orain, berriz, Galesen daude. 

Irlandan, gaelikoaren aldeko komunitatean
Hil honen lehenengo bost egu­nak Irlandan pasa ditu tal­deak, Dublinen eta Belfas­ten. Bertan hainbat kontzertu ema­teko aukera izan dute musikariek.
Bide batez, euskeraren eta gaelikoaren egoeren berri ezagutu eta ezagutzera ema­teko aukera izan dute. Izan ere, Conradh na Gaeilge elkar­teak eskatuta eman dituzte kontzertuetako batzuk; gaeli­ko­aren alde lan egiten duen elkartea da. Era berean, gaelikoz komu­nikatzen duen Raidió na Life irratian ere izan ziren, eta baita Irlandako irratirik garrantzi­tsuenean ere: RTE Radio       Elkarrizketa entzuteko (00:25:13an hasten da) 

Gales, iparraldetik hegoaldera
Giraren erdia egin du dagoeneko Bitartean taldeak, eta oraintxe Galesen daude, hegoaldean: Llanellin eta Cardiffen emango dituzte kon­tzer­tuak. Etzi, berriz,  ipa­rral­dera egingo dute salto: Tywyn, Darowen, Glant­wymyn eta Aberystwyth-era.
Kontzertuak bukatu ondo­ren, azken bi egunak Meinir Gwilyim kantautore gales­tarrarekin pasako dituzte. Lehengo urteko giran ezagutu zuten elkar, eta aurten, bere hurrengo diskoan kolabo­ratzeko eskatu die taldeko txalapartariei.

‘Bidean’ diskoa salgai
Udan majo lanean ari dira La­ra Mitxelena, Sebastian Usta­rroz, Ixiar Jauregi eta Haritz Ezeiza. Baina urtean zehar ere gogotik egin dute, eta emaitza kalean dago: Bidean, lehenen­go diskoa. 10 eurotan erosi daiteke Onddi, Kixkal, Garin, Rioja eta Kitto tabernetan eta Iparragirre sagardotegian.
«Ez dugu estilo itxi bat», azaldu zion Kronikari taldeak lehengo urtean egindako el­ka­rrizketa batean, eta hala da. Ikutu euskal­duna eta argen­ti­narra duten kantu propioekin eta molda­ketekin osatu dute le­he­nengo diskoa, txalaparta, akor­deoia, gi­ta­rra, alboka, txis­tua, kajoi flamenkoa, pan­deroa edota txaramelak nahas­­tu­ta. Hernanin eta inguruan «laster kontzertu batzuk eman­go» dituztela au­rreratu dute, lana erakusteko.

Madalenak zaharren egoitzan

Urtero bezela, uztailaren 22an txistulariak goizetik zaharretxeko solairu guztietan jotzen dute "Madalen" eguna ospatzeko.

Karmen egunean

Aurtengo alkatea MARIA TERESA CUEVAS DAÑOBEITUA eta omandutako dendaria berriz KARMELE MUJIKA UZKUDUN.
Eguerdiko 12ak jo baino lehen txistulariak biribilketak jo bitartean botika parera jende asko hurbildu da.12ak punttuan botika gaineko balkoitik, Juan Jose Uriak esatari lanetan Cuevasi buruzko hixtoriak kontatu eta gero Amonarraizek Cuevasen alabari (Mari Jose Chucla Cuevas) alkate  maikla eman dio.

Kronikak Maria Teresa Cuevas-i 2008an eginiko elkarrizketa HEMEN (Hernaniko garai bateko bizimoduari buruz)

	Bi emakumeei kantatutako bertsoak. Doinua: aita izena kanta beharra

Iruñako alardea 2014: Amerikanuak

2014. Uztailak 13an izan zan kontzertua:

2014. Azeri Dantzan

26 eta 27 eguneko azeri dantzetan txistulariek mezu bat erakutsiz irten ziran kalera: "Hernaniko azeri dantzan Hernaniko txistulariak". Dena, San Joan egunean haurren azeri dantzan kanpoko txistulariak jo zutelako izan zan; Hernanin txistulari pila dago baina San Juan eguneko goiza oso okupatuta daukatenez (diana, kontzerturako entseiu orokorra) ezin dute aurrera eman, beraz, datozen urteetako Haurrenazeri dantza beste egun batean irtengo da. Hori horrela, Uztailan egin zen jaietako balorazioan, afera hori konponduta geratu da.

Hala ere, zinadurak eskatu ziran eta jendeak bikain erantzun zuen.

ARGIA aldizkarian Piterren iritzia